منذ نزولها من الطائرة بدأت بالشكوى: (خلاص جينا للبشتنة والسخانة وال…..) وهي مستاءة ومتذمره وتشكو سخانة الجو والوضع العام دخلت صف الجوازات تنفخ وتتذمر وانتظار الشنط من السير نفس الضجر والتذمر وهي طالعة ومعها العامل الذي يدفع عربة شنطها وعند بوابة الخروج من الصالة زودت العيار وصارت كأنما تصرخ وبأعلى صوتها وتردد: (جينا خلاص للسودان والبشتنة والعواليق)وينبرى لها عشا البايتات رجل اصيل لا تعرفه ولا يعرفها ولطمها ضربة على خدها ( كف) خلى الناس الفي صالة الإستقبال كلهم ينتبهو صرخت فيه: (ليه ضاربني؟؟ بجيب ليك البأدبك.. ويقطع يدك) قال ليها: (السودان ده جاك ولا جيتيهو؟؟.. كلو إلا السودان.. نبذي حكومة ووزراء السودان.. كلو إلا البلد دي).. فوق ده ذكر لها اسمو ومحل عملو وقال ليها: (أكبر ما عندك جيبيهو)..حدث ذلك في مطار الخرطوم و لا تزال الدهشة تسيطر على اصحاب التكاسي والليموزين في المطار.
