شاركت الإعلامية بسمة وهبة، مقطع “فيديو” مع جمهورها تطمئنهم من خلاله على صحتها بعد خضوعها لعملية في لندن، موضحة أنها ترغب في العودة إلى مصر، بينما يلزمها الطبيب بالبقاء في لندن لمتابعة حالتها الصحية.
وكتبت بسمة وهبة عبر صفحتها على موقع التواصل الاجتماعى “فيسبوك”، “الحمد الله أنا خرجت من المستشفى بس أنا مخنوقة مش قادرة أقعد فى لندن، وروحت للدكتور قولت ليه.. عاوزنى أقعد، قالى أنى أي حد عامل عملية لازم يقعد جنب المستشفى”.
وأكملت وهبة “نفسى أنزل عشان أروح لعبد العزيز وعبد الرحمن مش قادرة أقعد في لندن بتخنق، أنا هنزل مصر، وبعدين أنا استخرت الله ربنا يسير الخير”.
أكدت وهبة “هواء مصر حاجة تانية مع أنى في مصر مش بخرج، وأنا قاعدة في البيت في اوضتى ومكتبى أحسن من أنى أخرج كل يوم هنا حتى، الجو هنا سيئ وكئيب، ولندن ما بقتش لندن المحلات قافلة والمولات مهجورة والناس مرعوبة، إحنا عندنا مصر أحلى وأحسن مش دلوقتى على كل الأحوال”.
وتابعت: “أنا مش بحب استسلم للتعب وإحنا في شهر التعافى من السرطان ولازم نعمل توعية من مرض السرطان والكشف المبكر وكل المرضى يجيوا ويسألوا زى ما هما عاوزين وأكلمهم من ناحية التجربة، أنا كويسة وهبقى كويسة لو هعمل حاجة زى ده”، وفقا لموقع اليوم السابع.
وفي وقت سابق، تعرضت كل من الفنانة السورية أصالة نصري والإعلامية المصرية بسمة وهبة لحادث مروع، كاد يودي بحياتهما، بعد أن اصطدمت الدراجة المائية التي كانتا تقوداها ببحر الإسكندرية شمال مصر بصخرة، ما تسبب في إصابتهما بجروح.
وكتبت الاعلامية بسمة وهبة على حسابها بإنستغرام”: “أنا وأصالة تعرضنا لحادث كبير وبفضل الله نجونا من الموت بأعجوبة..أصاله كانت سايقة ((الچيت سكي)) بسرعة واصطدمنا بالصخور وأنا اترميت برأسي ع الصخر وفقدت الوعي ووقعت في القاع”.
وتابعت وهبة : “أصالة رغم وقوعها صممت تضرب الموج وتخبط وتنادي حد ينقذني أنا فوقت لقيت نفسي في مركب ناس طيبين ووشوش حواليا كل واحد بيحاول ينقذني من المية اللي دخلت جسمي وأنا فاقدة الوعي ومن النبض ودقات القلب والدم اللي كان طالع من الجروح اللي في رجلي”.
وأكملت: ”شكرًا يا حبيبي يا رب يا رحمن يا رحيم بعبادك شكرًا أصالة إنك صممتي تنقذيني وبالفعل أنقذتيني بشهامتك ودايمًا بتثبتيلي إنك جدعة وأصيلة وشكرًا للولاد اللي أنقذوني بالمركب وكانوا في قمة الأخلاق والجدعنه وشكرًا لـ علي البحار“.. وجدعنتك دي مش غريبة ع أهل اسكندرية الحمدلله ١٠٠ مرة ومن فضلكم محدش يجري بالموتوسيكل المائي وانتبهوا لنفسكم ولأولادكم“.
