مجموعة قوى الحريه والتغير تطلب من فولكر المساعدة في السيطرة ع الشارع الثوري لأنها فقدت الحته دي وغلبها تعمل كنترول ع اللجان والتنسيقيات وبالضرورة السيطرة ع الشارع عشان يتم تمرير مشروع التسويه من دون معارضه الآن طلب مقدم من فولكر لشؤون منظمة الهجره الدوليه بإعتبارها جزء من الأمم المتحدة الطلب دا فيهو شي خطير وبموافقة قحط وتحت إشرافها بإنهم يمنحوهم فُرص لعدد ١٢٠٠ شاب وشابه عشان يتم تسفيرهم #لبلجيكا و #النرويج #أمريكا ،،
الفرص دي المستهدفين فيها الفاعلين والمؤثرين في اللجان والتنسيقيات والمتبنيين لقضية العدالة والمؤثرين في ملف إنتهاكات القيادة العامة التركيز كلو ع المستقلين من شباب لجان المقاومة وأهالي الضحايا ،،
المخطط حيتنفذ تحت دعوى التدريب والغطاء الأول للمخطط دا هو منظمات المجتمع المدني ومركزيات اللجان التابعه لقحط في الفترة الجايه حيتم إستهداف الشباب ديل عن طريق الدورات التدريبية والورش ثم تسويق وعرض فرصة السفر للخارج شكل منح من منظمة الهجرة الدوليه كل الهدف من المخطط دا هو السيطرة ع الشارع عن طريق المؤثرين من لجان المقاومه والمؤثرين من الشباب !!
الحاجه المؤسفه إنو الحيسافرو ديل ماحيصلو أصلا للدول الحيمشو ليها حيتم قطع الطريق أمامهم ،، وأنا واثقه من إنو قحط مستعدة تعمل أي شيء في سبيل تمرير مشروع التسويه دا وفولكر مستعد يقدم أي خدمة عشان ينجح في إستكمال مشروع الإستعمار السياسي الفكري ويفرض السيطرة ع السودان !! رغم إختلافي مع فكرة بعض الشباب إلا وإني متأكدة ميه في الميه بأنو المخطط دا ماحيقبلو بيهو كل الشباب العندهم وطنيه من لجان المقاومه
رساله أخيره للسيد جعفر حسن الشباب ديل عندهم مشروع تغير وطني ماعندو علاقة بالعماله وكفايه انكم خذلتوهم ورضيتو بالتسويه وكسرتو اللآت الثلاثة في ظل نزيف الدماء والانتهاكات والتضحيات!!
تبيان توفيق.
التعليقات مغلقة، ولكن تركبكس وبينغبكس مفتوحة.