بعثت الفنانة المصرية، حورية فرغلى، رسالة للجمهور المصرى والعربى، رسالة صوتية، تطمئن محبيها ومتابعيها على حالتها الصحية، وقالت في الرسالة الصوتية: “مصر الحبيبة، جمهورى الجبيب، صحابى، أهلى كل الناس وحشتونى وحشتونى، أنا بكلمكم من شيكاغو، بعد عملية عملتها يوم 8 فبراير الماضى، استغرقت 10 ساعات”.
وأكملت الفنانة حورية فرغلي:”أتألمت فيها كتير قوى، وبدعواتكم ودعوات أمى، قدرت اتغلب على الألم، وبعمل اللى الدكتور قاللى عليه، جلسات الأكسجين، علشان يحضرنى للعملية التانية اللى هعملها يوم 1 مارس إن شاء الله”.
وتابعت الفنانة المصرية: “العملية التانية هتكون 3 ساعات فقط، وبدعمكم الكبير حاسة أنى هرجع أقوى من الأول، ومكنتش أعرف أن كل الحب ده ليا، رغم أنى الحاجات مكنتش بشوفها في مصر قبل كده، وبطلب منكم، أرجوكم، متخلوش الناس، تعمل حاجات مش حلوة، علشان بدخل على اليوتيوب يوميًا ألاقى خبر وفاتى، وأخبار صعبة عنى جدًا لغاية إمبارح”.
،وأضافت حورية:” الكلام ده ممكن يأثر عليا جدًا، ويأثر على كل الناس اللى حواليا، وليه الكلام ده، وحرام عليكوا، الناس محتاجة دعواتكم، وبشكر الجميع على الدعم والمحبة، والناس الحقودة اللى مش عايزة الناس تنجح، لازم يعرفوا إن الناجح هيرجع تانى، وإن شاء الله هرجع أحسن من الأول، وإن شاء الله هكلمكم أول ما أخلص العملية الثانية، واستنوا منى مكالمة يوم الإثنين بعد العملية أول ما أفوق”.
الجدير بالذكر، أن الفنانة المصرية حورية فرغلي، تخضع حالياً لعدة عمليات جراحية في ولاية شيكاغو الأمريكية، حيث خضعت للعملية الجراحية الأولى وكللت بالنجاح، والتي جاءت عبارة عن استقطاع خلايا جذعية وبعض العظام من القفص الصدرى لوضعهما في الأنف لتعود للشكل الطبيعى، بحسب ماذكر في موقع اليوم السابع.
حيث تخضع الفنانة المصرية، حورية فرغلي، لعملية جراحية دقيقة في أنفها في أحد المستشفيات في الولايات المتحدة الأمريكية.
وكانت قد قالت فرغلي، قبل خضوعها للعملية: “أنا بين إيدين ربنا، مش عارفة هرجع للدنيا تاني ولا لأ، خصوصاً أني أجريت إحدى العمليات الجراحية في لندن منذ عامين، وقلبي توقف لمدة 4 دقائق، ولكن إرادة الله أعادتني للحياة مجدداً”.
كما أكدت الفنانة المصرية، أن شقيقها ونجله وشقيقتها يرافقونها أثناء إجرائها العملية ،
