افتتح الرئيس المصري عبد الفتاح السيسي، اليوم الأربعاء ، الجامعة المصرية اليابانية تعتمد فلسفتها على استخدام نظم التعليم الأكاديمية اليابانية التي تعتمد على الطرق المعملية في التعلم، في إطار خطة الدولة لمواكبة الزيادة السكانية.
وقال الرئيس المصري في كلمته خلال افتتاح الجامعة المصرية اليابانية:” أن الدولة مضطرة لمضاعفة كل ما تمتلك من إمكانيات لمواكبة هذه الزيادة” .
واستكمل: “الناس مستغربين من معدلات العمل اللي بطلبه، وبيقولوا سريعة، والله هي مش سريعة ولكن ماشية مع المسار المتسارع للزيادة السكانية”.
وأكمل السيسي في كلمته: “أنا مستعد أقعد وأتحاسب على كلمة بقولها من منظور علمي، والله العظيم اللي بنعمله ده ما يتعمل واحنا بنعمله بفضل الله سبحانه وتعالى”.
وأضاف الرئيس : “الخريطة اللي عليها الدولة المصرية بتقول إحنا ليه كده، احنا دولة لها طبيعة خاصة.. عاشت مصر على مدى آلاف السنين على الشريط الأخضر لنهر النيل.. وهوه ده التحدي اللي لازم تعرفوه، أن المساحة دي كان عايش عليها 3 ملايين مصري”.
وأضاف الرئيس: “كنا عايشين على ضفاف النيل، وكل إنسان كان له فدان عايش عليه، و دلوقتي بقينا 100 مليون عايش على الفدان الواحد منهم 10أفراد.. احنا زدنا وما بقاش عندنا 100 مليون فدان، وهنا القضية، وليه بقينا كده؟!”.
واشار السيسي: “زدنا من 4 ملايين إلى 100 مليون في 100 سنة، كمان 30 سنة هنكون 100 مليون كمان، وإحساس الفقر هيكون متلاحق، عشان كده هيقولوا زمان كانت الحاجة رخيصة”.
وأشار الرئيس المصري عبد الفتاح السيسي، إن الزيادة السكانية في البلاد، تتطلب منا جهدا كبيرا ومعدلات عمل سريعة لتوفير كافة الخدمات اللازمة لمواكبتها
وتضم الجامعة المصرية اليابانية ثلاث كليات، على رأسها،( كلية الهندسة(، والتى تشمل أقسام هندسة الكترونيات واتصالات، وهندسة وعلوم الحاسب، وهندسة القوى الكهربائية، والهندسة الصناعية والتصنيع، وهندسة الميكاترونيات والروبوتات، وهندسة علوم المواد، والهندسة الكيميائية والبتروكيماويات، وهندسة مصادر الطاقة، والهندسة البيئية.
كما وتضم (كلية العلوم الأساسية والتطبيقية)، التى تشمل تخصصات الرياضيات الحسابية والتطبيقية، وتخصص البيوتكنولوجي، وتخصص علوم النانو، وتخصص مواد الطاقة. وأخيرا كلية إدارة الأعمال الدولية والإنسانيات، وتشمل تخصصات الموارد البشرية والمحاسبة ودراسات التراث، بحسب موقع روسيا اليوم.
