صرح الرئيس المصري عبد الفتاح السيسي، اليوم الاربعاء مؤكداً بأن فيروس كورونا مازال موجود، وأن نظام التعليم سيخلف في البلاد من ناحية الحضور.
حيث قال السيسي :”كورونا ما خلصتش، وبالنسبة للحضور في العام الدراسي المقبل، الرسالة بوضوح: هتجدوا نظام مختلف؛ 4 أيام حضور أو 3 أيام، ويومين في بعض الدارس، لازم أوضح ده للناس لمواجهة جائحة كورونا.. ما تندهشوش”.
جاء ذلك خلال افتتاح الرئيس عبد الفتاح السيسي، اليوم الأربعاء، الجامعة المصرية اليابانية للعلوم والتكنولوجيا بمدينة برج العرب في محافظة الإسكندرية.
تعتمد فلسفتها على استخدام نظم التعليم الأكاديمية اليابانية التي تعتمد على الطرق المعملية في التعلم، في إطار خطة الدولة لمواكبة الزيادة السكانية، بحسب موقع مصراوي.
وقال الرئيس المصري في كلمته خلال افتتاح الجامعة المصرية اليابانية:” أن الدولة مضطرة لمضاعفة كل ما تمتلك من إمكانيات لمواكبة هذه الزيادة” .
واستكمل: “الناس مستغربين من معدلات العمل اللي بطلبه، وبيقولوا سريعة، والله هي مش سريعة ولكن ماشية مع المسار المتسارع للزيادة السكانية”.
وأكمل السيسي في كلمته: “أنا مستعد أقعد وأتحاسب على كلمة بقولها من منظور علمي، والله العظيم اللي بنعمله ده ما يتعمل واحنا بنعمله بفضل الله سبحانه وتعالى”.
وأضاف الرئيس : “الخريطة اللي عليها الدولة المصرية بتقول إحنا ليه كده، احنا دولة لها طبيعة خاصة.. عاشت مصر على مدى آلاف السنين على الشريط الأخضر لنهر النيل.. وهوه ده التحدي اللي لازم تعرفوه، أن المساحة دي كان عايش عليها 3 ملايين مصري”.
وأضاف الرئيس: “كنا عايشين على ضفاف النيل، وكل إنسان كان له فدان عايش عليه، و دلوقتي بقينا 100 مليون عايش على الفدان الواحد منهم 10أفراد.. احنا زدنا وما بقاش عندنا 100 مليون فدان، وهنا القضية، وليه بقينا كده؟!”.
واشار السيسي: “زدنا من 4 ملايين إلى 100 مليون في 100 سنة، كمان 30 سنة هنكون 100 مليون كمان، وإحساس الفقر هيكون متلاحق، عشان كده هيقولوا زمان كانت الحاجة رخيصة”.
وأشار الرئيس المصري عبد الفتاح السيسي، إن الزيادة السكانية في البلاد، تتطلب منا جهدا كبيرا ومعدلات عمل سريعة لتوفير كافة الخدمات اللازمة لمواكبتها
